Ambasadori i Shteteve të Bashkuara, Donald Lu tregon se si mund të ndikojë platforma politike e presidentit Donald Trump edhe në marrëdhëniet mes SHBA dhe Shqipërisë.
Duke folur si i ftuar sot në serinë e bisedave të Forumit të Humaniteteve me studentë dhe pedagogë të Fakultetit të Histori Filologjisë, Lu tha:
“Shtëpia e Bardhë e ka përkufizuar qëllimin e politikës së jashtme të Presidentit si të qëndrueshme, për një botë më të paqtë, me më pak konflikte dhe më shumë interesa të përbashkëta.”
Lidhur me reformën në drejtësi në Shqipëri, ambasadori Lu vuri në dukje se populli shqiptar e kërkon dhe e mbështet atë.
Teksa theksoi se ky vit që kemi përpara është “plot me sfida kur bëhet fjalë për zbatimin e reformës në drejtësi dhe zgjedhjet kombëtare”.
Ambasadori Lu theksoi gjithashtu se shkatërrimi i ISIS është përcaktuar si një nga prioritetet kryesore të politikës së jashtme.
