Me debate të forta u shoqërua mbledhja e sotme e Komisionit Qendror të Zgjedhjeve, pas deklarates së kreut të këtij institucioni, Denar Biba, i cili tha se votimi elektronik nuk është i mundur për 18 qershorit.
Në fjalën e tij përfaqësuesi ligjor i PD, Niazi Kosovrasti, kërkoi dorëheqjen e Bibës. Duke i kujtuar kryetarit se nuk mund të fliste në emër të të gjithë anëtarëve.
Në të njëjtën gjatësi valësh ishin edhe anëtarët e propozuar nga opozita në KQZ.
Nga ana tjetër Biba shpjegoi se 5 muaj nuk ishin të mjaftueshëm për të vendosur në punë votimin elektronik. Ai tha se duken afro 2 vite për ta bërë atë realitet.
Por kjo deklaratë u kundërshtua nga nënkryetari i KQZ, Hysen Osmanaj, i cili pyeti Bibën se nga e kishte informacionin për pamundësinë e futjes së teknologjisë.
Mazhoranca kundërshton futjen e votimit dhe numërimit elektronik në zgjedhjet e ardhshme me pretendimin se nuk ka kohë dhe se duhet opinioni i OSBE-ODHIR.
