Kreu i Partisë Demokratike, Lulzim Basha, i cili ndodhet në Bruksel, ka uruar zv/Presidentin e Partisë Popullore Europiane, David McAllister për postin e ri si Kryetari i ri i Komisionit të Punëve të Jashtme të Parlamentit Europian.
Zoti McAllister u zgjodh në vend të Elmar Brok, i cili ka drejtuar këtë komision prej vitesh dhe tashmë do të drejtojë negociatat për “Brexit”.
“Përgëzime mikut tim David McAllister, zv.President i Partisë Popullore Europiane që sapo u votua si Kryetari i ri i Komisionit të Punëve të Jashtme të Parlamentit Europian. Elmar Brok kryetar i ketij komisioni prej vitesh tani do të drejtojë negociatat për Brexit. Mirënjohje të madhe këtij miku të Shqipërise i cili sot i dorëzoi stafetën një miku tjetër të veçantë. Urime David për këtë detyrë të rëndësishme!” është shprehur Basha.
