Një nxënës i 9-vjeçares ka mbetur i plagosur me thikë sot në qytetin bregdetar të Durrësit.
Alesio Sulejmani, në klasën e 9-të, është goditur dy herë me thikë, në shpatull dhe në krah. Ai ka mbetur i plagosur gjatë një zënke mes nxënësve, jashtë rrethimit të shkollës, pas mësimit.
Ngjarja ka ndodhur në shkollën “Bedrie Bebezi”.
Mësohet se i mituri është dërguar në spital dhe ndodhet jashtë rrezikut për jetën.
Nga të dhënat e para mësohet se autori nuk ka qenë nxënës i kësaj shkolle, por nga shkolla përballë “Isuf Puka”.
Pak orë pas ngjarjes policia ka arrestuar njërin nga autorët e krimit, shtetasin me iniciale S.D dhe po punon për kapjen e autorit tjetër, i cili është identifikuar.
