Një punonjës i Uzinës së Përpunimit të Naftës në Fier ka tentuar të hidhet nga oxhaku për shkak të mosmarrjes së pagës prej 4 muajsh.
Punonjësi që ka hipur mbi oxhakun e lartë rreh 40-50 metra quhet Agim Myrdini, 59 vjeç dhe sipas kolegëve ka 30 vjet që punon në UPN. Ai ka në dorë edhe një shishe benzinë dhe kërcënon se do t’i vërë flakën vetes.
“Ai ka tërë jetën që vuan, gruaja e parë i vdiq, gruaja e dytë i vdiq, djali i vdiq. Ai është copë-copë. Ai është më keq nga neve, ne jemi prapa tij”, thotë një koleg i tij.
“Kemi që në tetor që s’kemi marrë rroga. Mirë tani në janar që s’ka rroga se ka ikur ai pronari. Por muajt e tjerë janë përpunuar mijëra ton karburante e janë shitur”, deklarojnë në zë punëtorët.
“Na iku jeta luftë, 50 vjet me Enverin. Ça demokracie, nuk ka as shtet, asgjë. Të japë një sqarim. ne jemi familjarë. Kemi kalamajtë për bukë. Jo ky i PD-së, ky i PS-së, boll luftë, duam të ushqejmë fëmijët”, thonë disa të tjerë.
