Futbollisti Sergio Aguero do të vazhdojë të jetë pjesë e Manchester City-t. Argjentinasi, kontrata e të cilit me City-n skadonte në 2019, e rinovoi atë edhe për një vit tjetër. Lajmi u dha nga trajneri i Manchester City, Pep Guardiola.
“Aguero e ka firmosur kontratën e re me klubin. Ai do të qëndrojë me ne për sa kohë e dëshiron këtë. Aguero është sulmuesi ynë më i mirë. Ne kemi probleme me shënimin e golave, kështu që kemi nevojë për të. Dëshiroj më të mirën për të”, tha Guardiola.
Aguero gjatë këtij sezoni ka shënuar 18 gola me Manchester City në të gjitha kompeticionet.