Së paku 16 persona kanë mbetur të vdekur dhe 39 të tjerë të plagosur, mbrëmë vonë, kur një autobus u përplas dhe mori flakë në Italinë veriore.
“Autobusi, i cili udhëtonte në itinerarin Francë-Hungari, u përplas pak para mesnate në autostradën A4, pranë qytetit të Veronës”, raporton agjencia italiane e lajmeve, ANSA.
”Pjesa më e madhe e pasagjerëve ishin studentë hungarezë”, shkruan media italiane.
Mësohet se të plagosurit u transportuan drejt spitaleve të Veronës.
