Një defekt i rëndë në rrjetin qëndror të furnizmit me energji elektrike të Autoritetet Portual të Durrësit paralizoi punën për më shumë se 5 orë në të gjitha shërbimet që merren në portin më të madh të vendit.
Për këtë asnjë prej agjencive doganore nuk kanë mundur tu ofrojnë shërbim qytetarëve të ndryshëm si dhe drejtuesve të automjeteve të cilët kanë pritur në radhë për orë të tëra për të kryer çdoganimin e mallrave dhe të mjeteve që ishin future në port prej orëve të mëngjesit.
Për pasojë në Portin e Durrësit u krijua një situatë anormale teksa drejtuesit e kamionëve të ngarkuar prisnin me orë të tëra në radhë, çka do ti penalizojë për të mos mbërritur në kohë në destinacionin e tyre.
Një grup i ngritur prej OSHEE prej konstatimit të defektit si dhe specialistë të portit të Durrësit që merren me mirëmbajtjen e energjisë elektrike kanë punuar për orë të tëra derisa kanë mundur të rikthenin energjinë elektrike.
