Mbështetësit e Vladimir Putin do festojnë gjithë natën në Moskë për Donald Trump si presidenti i ri i SHBA -së.
Këshilltari për mediat i Presidentit rus, Konstantin Rykov, i cili ka shërbyer dhe si një deputet në Partinë Rusia e Bashkuar të Putinit ka ftuar ndjekësit e tij në rrjetin social Facebook për të festuar gjithë natën inagurimin e Presidentit të 45 -të të SHBA -së, Donald Trump. në mesazhin e tij në Facebook Rykov shkruan: “Shihemi në mbrëmje. Uashingtoni do të jetë i yni”.
Rykov shkroi më tej në faqen e tij në facebook: “Unë lutem që ju të gjithë të përpiqeni për të marrë pjesë në festë jo më vonë se ora 19:30 [kohë Moscow]. Përndryshe, ju do të humbisni momentin më të rëndësishëm “betimin presidencial”, si dhe shampanjën”.
