Një zjarr i madh ka përfshirë një pallat në kryeqytet dhe dyshohet për një të vdekur.
Mësohet se zjarri ka rënë afër Thesarit në zonën e Freskut ku fillimisht është përfshirë nga flakë një ashensor. Nga të dhënat e siguruara bëhet e ditur se është gjetur një person i vdekur.
Zjarri është i përmasave të mëdha dhe në vendngjarje kanë shkuar 3 zjarrfikëse të cilat kanë kërkuar edhe përforcime.
Po kështu disa banorë janë në rrezik për shkak të tymit dhe mund të asfiksohen. Nnë ndihmë të banorëve janë nisur shumë bombola ajri dhe po bëhet evakuimi i gjithë pallatit. Në vendin e ngjarjes ndodhen forca të shumta polici.
