Njeriu i fundit që shkeli mbi sipërfaqen e Hënës, Eugene Cernan, ndërroi jetë në moshën 82-vjeçare. Vdekja e tij u konfirmua edhe nga agjencia amerikane e hapësirës, përmes një postimi në Twitter.
Vdekja e tij u konfirmua edhe nga agjencia amerikane e hapësirës, përmes një postimi në Twitter.
”Me keqardhje kemi marrë lajmin e vdekjes së astronautit të NASA-s, Gene Cernan, njeriu i fundit që eci mbi Hënë ”, thuhet në reagimin e agjencisë.Cernan kreu tre misione hapësinore dhe ishte njeriu i 11-të që la gjurmët e tij në sipërfaqen e Hënës si komandues i misionit ”Apollo 17”.
Fluturimi i fundit që dërgoi njeriun në Hënë, u ul në sipërfaqen e satelitit tonë natyror më 11 dhjetor të vitit 1972. Në këtë mision, Cernan shoqërohej nga dy astronautët Ronald Evans dhe Harrison Schmitt.
Që të tre ata qëndruan për tri ditë në sipërfaqen e Hënës, ku kryen disa studime shkencore.
”Apollo 17” ishte misioni më i gjatë i kryer nga njeriu në hapësirë dhe theu disa rekorde si kohën e fluturimit dhe atë të qëndrimit në sipërfaqen e Hënës. Ky mision do të mbahet mend edhe për shkrepjen e një fotoje ikonike, e pagëzuar ”The Blue Marble”.
