Autoritetet italiane vendosën t’i marrin dy vajzat, të moshës 10 dhe 12 vjeç, një nëne shqiptare në Itali.
Sipas mediave të vendit fqinj, vajzat e vogla ishin viktima të dhunës sistematike të nënës së tyre dhe një xhaxhai. Raportohet se gruaja i rrihte me okllai, pa motiv, vajzat e saj. Ato kanë thënë se qëlloheshin me shkelma pa ndonjë motiv dhe se edhe tani kishin frikë ta shihnin nënën e tyre.
Kanë qenë vajzat ato që u treguan dhunën mësuesve në shkollë, në Miranese.
Pas denoncimit që mësueset bënë në polici, më 11 janar dy të miturat u shtruan në repartin e pediatrisë, pasi u morën nën kujdes nga Shërbimi Social.
