Dy burra në Elbasan i kanë shpëtuar një atentati me automatik.
Ngjarja ka ndodhur në fshatin Gjocaj dhe sipas policisë në pranga u vu shtetasi Albi Bashaliu, 28 vjeç, banues në fshatin Gjocaj. Arrestimi i tij u bë pasi, në fshatin Gjocaj , gjatë një konflikti për motive të dobëta dyshohet të ketë qëlluar me armë zjarri automatik në drejtim të shtetasve V.SH, 57 vjeç, banues në fshatin Gjocaj dhe A.B, 38 vjeç, banues në Peqin. Si pasojë e të shtënave, nuk ka patur të dëmtuar.
Policia njofton se ka sekuestruar 18 gëzhoja armë zjarri model 56 të kalibrit 7.62mm dhe 1 fishek i pa plasur, model 56 të kalibrit 7.62mm, si dhe automjetin tip Volksëagen me targa AA 226 ES në pronësi të shtetasit A.B, 38 vjeç, banues në Peqin. Policia vazhdon punën për gjetjen e armës së zjarrit dhe sqarimin e plotë të rrethanave të ngjarjes. Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Vrasja me dashje mbetur në tentativë” “Prodhimi dhe mbajtja pa leje e armëve luftarake dhe e municionit” dhe “Shkatërrimi i pronës” parashikuar nga nenet 76, 278, 150 dhe 22 të Kodit Penal.
