Pas një aksidenti të ndodhur në hyrje të qytetit të Memaliajt, ka ndërruar jetë i moshuari i cili u përplas nga një punonjës policie.
Ngjarja ka ndodhur një ditë më parë në orën 10:30 në rrugën hyrëse të qytetit të Memaliajt, kur Klemend Sinanaj ka përplasur të moshuarin Ramadan Llangos, 75 vjeç.
Ky i fundit u dërguar me urgjencë në spitalin e Gjirokastrës, e më pas për në Tiranë, por ka humbur jetën si pasojë e plagëve të marra nga aksidenti.
Punonjësi i policisë është ndaluar nga policia. Ai ka qenë duke ecur me makinën e tij “Fiat”, kur ka përplasur të moshuarin.
