Së paku 37 është numri i viktimave që kanë humbur jetën nga rrëzimi i një avioni në Kirgistan.
BBC raporton se avioni Boeing i “Turkish Airlines” u rrëzua mes mjegullës në një zonë të banuar pranë aeroportit Manas, në jug të kryeqytetit Biskek.
Mësohet se të paktën 15 ndërtesa janë shkatërruar dhe disa fëmijë janë raportuar të jenë në mesin e të vdekurve.
Avioni u përplas teksa ishte në fazë ulje, për shkak të kushteve të këqija të motit.
