Një pedagoge e Universitetit të Shkodrës që ishte në kërkim është vënë sot në pranga, pasi akuzohet për korrupsion. Bëhet fjalë për Ditika Kopliku, 47 vjeçe, banuese në Shkodër.
Arrestimi i saj është bërë sepse që në 5 shtator 2016 ishte shpallur në kërkim sepse emisioni investigativ “STOP”, ka transmetuar pamje filmike ku tregon se Kopliku me detyre pedagoge në universitetin “Luigj Gurakuqi”, në Shkodër i ka dhënë notë kaluese studentes me iniciale M.S. kundrejt pagesës me vlerë 100 euro.
Gjithashtu, Gjykata e Rrethit Gjyqësor Shkodër, më datë 7 shtator 2016, ka caktuar masën e sigurisë “arrest në burg”.
