Një vrasje ka ndodhur mbrëmjen e sotme në Vlorë. Mësohet se ngjarja e rëndë ka ndodhur në zonën e Skelës ku është vrarë 32-vjeçari me iniciale R.T.
Sipas raportimeve të para, viktima ishte duket udhëtuar me mjetin e tij, kur persona të paidentifikuar i kanë zënë pritë dhe e kanë qëlluar. 32-vjeçari ka humbur jetën menjëherë.
Trupi i tij është dërguar në morgun e spitalit të Vlorës, ndërsa në vendin e ngjarjes kanë shkuar forca të shumta policie. Po ashtu mësohet se janë ngritur patrulla të shumta në hyrje-daljet e qytetit për kapjen e autorit.
NJOFTIMI I POLICISË
Vlorë,
Informacion paraprak
Rreth orës 17:57, në vendin e quajtur “Ish-Parku i Tregtisë”, në rrugën e kësaj zone është qëlluar me armë zjarri një shtetas, i cili për shkak të plagëve në trup ka ndërruar jetë rrugës drejt Spitalit Rajonal.
Policia ka identifikuar viktimën me gjeneralitetet R.T., 32 vjeç, banues në Vlorë.
Dyshohet se autori pasi ka kryer krimin është larguar me shpejtësi me një automjet, për të cilin po punohet për zbulimin e tij.
Grupi hetimor ndodhet në vendngjarje dhe po kryhen veprimet hetimore në lidhje me dokumentimin e plotë të kësaj ngjarjeje.
Janë ngritur pika kontrolli në rrugët dalëse dhe hyrëse të qytetit të Vlorës me qëllim kapjen e autorit.