Lihen në burg nga Gjykata e Krimeve të Rënda, Laureta Lama dhe Bashkim Hasani, të cilët u arrestuan tre ditë më parë në tragetin e Linjës Durrës-Bari me 2.3 kilogramë heroine, në tentivë për t’i trafikuar në shtetin fqinj.
38-vjeçarja ka mohuar përfshirjen e saj në këtë trafik droge. Sipas dëshmisë së Lames, ajo nuk e dinte se çfarë kishte futur në dhomë 67-vjeçari Hasani.
Gruaja ka deklaruar se ishte nisur tek një e afërme në Itali sëbashku me dy fëmijët.
Për Erlin Çaushin gjykata caktoi masën e sigurisë “arrest me burg në mungesë”, pasi lënda narkotike dyshohej se po trafikohej për llogari të tij.
Droga u gjet në dhomën e tragetit. Lidhur me rastin në pranga përfundoi edhe punonjësi i policisë Agim Shaba, me detyrë ndihmës kontrollor. Ai akuzohet se lejoi kalimin e çiftit, edhe pse kishte informacion se ata mund të trafikonin sende të paligjshme.
Mësohet se destinacioni i drogës saj ishte Bolonja. Prokuroria shqiptare po bashkëpunon me autoritet italiane për të identifikuar pritësin e heroines në vendin fqinj.
