Miliarderi dhe filantropi i majtë George Soros nuk po e pranon lehtë fitoren e republikanit Donald Trump.
Më 20 janar, Trump do të marrë zyrtarisht detyrën dhe do të hyjë në Shtëpinë e Bardhë. Në këtë ditë, George Soros ka planifikuar përmes shoqatave të tij, një valë protestash në Uashington me qëllim që të pengojnë inaugurimin e Donald Trump si President të Shteteve të Bashkuara të Amerikës.
“Ne jemi duke planifikuar që të paralizojmë qytetin duke marshuar për të ndalur trafikun madje edhe transportin publik. Do të organizojmë disa aksione masive në mënyrë që të pengojmë ceremoninë e inaugurimit dhe çdo festim që lidhet me inaugurimin”, ka thënë një prej aktivistëve.
Disa media amerikane raportojnë se protestuesit janë paguar për të marrë pjesë në marshim. Sipas të njëjtave media, flitet se shoqatat e Soros do të ofrojnë rreth 30 Dollarë në orë për çdo protestues.
Protesta më 20 janar kundër Trump zyrtarisht organizohet nga një grupim i quajtur ‘Aleanca për Drejtësi Globale’. Por, një zyrtar i lartë amerikan ka thënë se ky grupim ka lidhje me George Soros.
“George Soros është financuesi kryesor i Aleancës për Drejtësi Globale, një grup radikal i krahut të majtë që mbledh donacione në emër të lëvizjes “Occupy Wall Street”.
