Gazetarja hungareze, e cila është xhiruar duke goditur me shkelma emigrantë në afërsi të kufirit të Hungarisë me Serbinë është liruar me kusht për sjellje të parregullt, por për tre vite s’duhet të kryejë asnjë vepër në kundërshtim me ligjin, pasi përndryshe do të shkojë në burg, raporton BBC.
Petra Laszlo ishte duke filmuar refugjatët në shtator 2015, teksa ata thyen një kordon policor. Ajo goditi në këmbë dy njerëz, teksa ata po largoheshin, duke përfshirë edhe një vajzë të re. Më vonë ajo u shfaq duke shkelmuar edhe një burrë që mbante një fëmijë.
Ajo thotë se do të apelojë.
https://www.youtube.com/watch?v=N1NrW1PYHDU
Gjykatësi Illes Nánási tha se sjellja e Laszlo-s “binte në kundërshtim me normat shoqërore” dhe hodhi poshtë argumentin e avokatit të saj mbrojtës se kameramanja ishte duke u përpjekur për të mbrojtur veten.
“U ktheva dhe pashë qindra njerëz që më akuzonin. Ishte tepër e frikshme,” tha ajo. Gazetarja tha se kishte marrë kërcënime me vdekje që prej kohës së incidentit dhe se i ishte nënshtruar një “fushate urrejtjeje”, teksa shpërtheu në lot në gjyq.
Veprimet e saj u përhapen si virus në mediat sociale.
