Një javë nga lënia e detyrës së të atit të tyre nga Shtëpia e Bardhë, Mali dhe Sasha Obama po përgatiten të largohen nga fasada e skenës publike, ku kanë marrë komplimente dhe këshilla nga vajzat e ish-presidentit Georges W. Bush.
“Tetë vite më parë, një mbrëmje të ftohtë nëntori, ne ju kemi pritur në rrugicat e Shtëpisë së Bardhë. Kemi parë një ndjesi elektrizuese por gjithashtu mosbesimi në sytë tuaj”, shkruajnë dy binjaket 35 vjeçare, Jenna dhe Barbara Bush, në një artikull të publikuar dje në mbrëmje në web-in e “Time Magazine”.
“Në tetë vite, ju jeni realizuar mjaft mirë. Duke i parë gjërat në këndvështrime të ndryshme”, shkruajnë gjithashtu ato.
“Nga vajza fare të vogla, kemi pari të bëheni zonjusha mbresëlënëse, të thjeshta dhe me elegancë… Sot, ju do t’i bashkoheni një tjetër statusi ekskluziv, atë të ish-vajzave të presidentit.
Malia Obama, 18 vjeç ka përfunduar linceun dhe është në vitin parapërgatitor për regjistrimin në Universitetin e Harvardit vitin e ardhshëm. Motra e saj më e vogël Sasha 15 vjeçare vijon ende liceun, për këtë arsye familja Obama ka vendosur të qëndrojë në Uashington në kohën kur presidenti i zgjedhur Trumë do të marrë detyrën, më 20 janar.
