Deputetja Silva Caka thotë se LSI duhet të dalë e vetme në zgjedhje, pa PS, ndonëse nxiton të sqarojë se mendimi i saj është personal.
Duket se Ilir Meta po ia jep pak nga pak përgjigjen Edi Ramës për fatin e koalicionit.
“Ky është mendimi im personal që për mua do të jetë votë publike në forumet e LSI, por a do të fitojë mendimi im apo jo, këtë do ta kenë në dorë forumet e partisë”, tha Silva Caka në Channel One.
Nëse nuk do të jetë në koalicion, LSI do të jetë e vetme përpara votuesve me 18 qershor. Koalicionin parazgjedhor me të e ka përjashtuar edhe PD.
