Artistja shkodrane, Brigela Demaj, përmes fotove provokuese apelon për të mos u kompleksuar nga lakuriqësia.
“Më intereson trupi i njeriut në të gjitha format e tij”, shprehet ajo, teksa femra të zhveshura pozojnë përpara aparatit të 22-vjeçares.
“Besoj se askush nuk duhet të ketë komplekse para fotografisë së nji gruaje lakuriq, duhet ta zhveshim atë trup nga mendësia e gabuar se është kriju vetëm për të nxitë dëshira seksuale, dhe duhet të fillojmë ta shohim si një trup njeriu, i bukur në kompleksitetin, çuditshmërinë e vet”.
“Mbi të gjitha duhet të fillojmë ta shohim si nji trup që nuk i përket askujt e që nuk definon qenien e kësaj gruaje”.
“Lakuriqësia në një formë është rebelim ndaj shtypjes emocionale, psikologjike dhe me raste fizike, që i bëhet gruas, vetëm sepse ajo është grua dhe vetëm sepse gjendet në atë trup. Kështu që fotot e mia tregojnë vajza që e shijojnë trupin e tyre, lakuriqësinë dhe vetë qenien e tyre”.
“Duhet të kemi më shumë vajza të tilla dhe duhet të kemi më pak djem që intimidohen nga vajza të tilla”, shprehet ajo.
Artisja nga Shkodra u bë e njohur kur fotografoi dy femra duke u puthur e që në sfond shihej një urim për Bajramin.
