Rritet bilanci i viktimave në vend nga i ftohti. Pas dy endacakëve që humbën jetën, një në Durrës dhe një në Sarandë dhe një 62-vjeçari nga Gjirokastra që ra nga tarraca pasi rrëshkiti nga akulli, një tjetër viktimë është shënuar në Golem të Lushnjës.
52-vjeçari Bashkim Çepa dyshohet se ka humbur jetën nga i ftohti. Ai punonte si roje pallati në Golem.
52-vjeçari është gjetur nga familjarët i pajetë dhe i ngrirë.
Një ditë më parë 53–vjeçari Leonard Beqiri, i pastrehë është gjetur i pajetë në lagjen 2 të qytetit të Sarandës, në një banesë të improvizuar.
Në Durrës një 38-vjeçar i pastrehë gjithashtu ndërroi jetë. Moti i keq vazhdon të vërë në rrezik jetë njerëzish në Shqipëri, sidomos të pastrehëve.
