Ministria e Arsimit ka bërë me dije se orët e humbura mësimore, si pasojë e pezullimit të procesit nga moti i keq, do të zëvendësohen.
Lajmi u dha sot nga zëvendësministrja e Arsimit, Nora Malaj.
“Kjo nuk është situata e parë e menaxhuar. Kemi eksperiencën për t’i ardhur në ndihmë nxënësve dhe mësuesve. Nuk ka problematikë me realizimin e procesit mesimor. Drejtoritë Arsimore kanë marrë masat për realizimin e kalendarit shkollor”, tha Malaj.
Zrtarja e MAS, Zamira Gjini ka deklaruar se, zëvendësimi i orëve do të nisë nga muaji mars e deri në fund të vitit shkollor.
“Nuk ka asnjë gjë për t’u shqetësuar. Drejtoritë do ta menaxhojnë situatën me sukses. Situata po monitorohet nga MAS”, tha Gjini.
