Ministria e Transporteve bëri me dije situatën më të fundit të qarkullimit në akset nacionale në vend. Pjesa më e madhe e rrugëve është e kalueshme, por në zona malore ka ende vështirësi dhe qarkullimi me zinxhirë është i detyrueshëm.
Kështu, aksin Shpal-Reps dhe Rubik-Rrëshen kalohet vetëm me zinxhir dhe po kështu edhe aksi Bajram Curri-Valbonë, Ura e Bujanit-Qafë Morinë, Sopot – Kërn – Tropojë.
Me zinxhirë kalohet edhe aksi Tuneli Kalimashit – Dogana Morinë, aksi Kukës – Bushtricë, K/Domaj – Reç, aksi Kukës – Ura e Zapodit, aksi Krumë – Qafë Prush, Plepa – Kam (në Qafë Prush).
Qarkullimi me zinxhirë për shkak të pranisë së ngricave bëhet edhe në disa akse rrugore të Peshkopisë, si aksi drejt Qafë Drajës, aksi Qafë Bualli–Peshkopi–Maqellarë–Bllatë, Ura – Komsi – Ulëz – Ura e Matit, Segmenti Bazë – Burrel, aksi Ura e Qytezës – Zerqan, Ura e Cerenecit – Steblevë, aksi Qafë Bualli – Krastë.
Në rajonin e Shkodrës, përdorimi i zinxhirëve është i domosdoshëm në aksin Q.Qelë – Pukë- F,Arrëz, në aksin K/Hadroj – Qafë Benë – Rrëshen, në segmentin Kukës – Shën Mëri Qarkullimi kryhet me zinxhirë, në aksin Qafë Mali – Fierzë, në aksin Koplik – Dedaj. Kalimi në gjithë aksin rekomandohet me zinxhirë.
Rekomandimi i zinxhirëve bëhet edhe gjatë qarkullimit në segmentin rrugor Qafë Qelë – Pukë- Fushë Arrëz. Ministria sqaron se të gjithë kontraktorët janë në gatishmëri me mjete dhe fuqi punëtore.
