Një grua shtatzënë ka mbetur e izoluar në fshatin Arrën të Kukësit, ndërsa raportohet se ajo është në gjendje të rëndë shëndetësore. Eshtë kërkuar ndërhyrja nga ajri e helikopterit, i cili mësohet se është nisur në shpëtim të gruas.
Më herët Forcat e Armatosura ndërhynë nga ajri edhe në dy raste të tjera, duke shpëtuar jetën e një personi në Koman dhe një personi tjetër në Tepelenë. Forcat e Armatosura gjithashtu janë të angazhuara në terren me mjete dhe njerëz.
Për momentin, në mision shpëtimi janë në fluturim dy helikopterë Cougar. Njëri prej tyre fluturoi drejt fshatit Iballe të Pukës, ku ndodheshin 3 persona të izoluar në një minierë. Mes tyre ishte dhe administratori i kompanisë Lekë Bicuku, i cili shfaqi probleme shëndetësore ditën e sotme. Ata u morën dhe u transportuan në qytetin e Pukës.
Ndërsa helikopteri i dytë përfundoi me sukses gjithashtu një mision në fshatin Konaj të Fanit për shpëtimin e një gruaje shtatzënë.
