Organi i akuzës në Durrës shpall moskompetencën për hetimin e Lul Berishës. Hetimi për lirimin e Lulzim Berishës do të bëhet nga Prokuroria e Tiranës. Lajmi bëhet i ditur nga burime të institucionit të akuzës së Durrësit, të cilët kanë shpallur mos kompetencën për këtë hetim.
Sipas tyre, hetimi për lirimin e Lulzim Berishës duhet të bëhet nga Prokuroria e Tiranës, për shkak se edhe dënimi është dhënë nga Gjykata e Krimeve të Rënda në Tiranë.
Në muajin dhjetor të vitit të kaluar Lulzim Berisha doli nga burgu pasi Gjykata e Durrësit i dha masën e “lirimit me kusht”.
