Bakteret dhe mikrobet gjenden në çdo gjë që ne prekim apo bëjmë. Duhet të dezinfektojmë dhe pastrojmë objektet që përdorim në përditshmëri.
- Unaza
Një unazë strehon shumë mikrobe dhe kjo ndodh sepse ajo është e fiksuar në një vend. Ajo është gjithmonë në gisht, çfarë do lloj veprimi të bësh. Për të parandaluar mikrobet unaza duhet të hiqet dhe të pastrohet zona rreth saj.
- Makina larëse
Larja e rrobave në makinë larëse është menduar për të hequr papastërtitë dhe mikrobet. Por rrobat tuaja nuk duhet t’i lani bashkë me të brendshmet sepse kanë mikrobe. Makinat larëse duhet të pastrohen por përsëri përmbajnë gjurmë bakteresh.
- Lekët
Lekët qarkullojnë në duar të ndryshme. Për këdo që i merr ato përbëjnë rrezik pasi kanë papastërti dhe mikrobe. Kështu që pasi të përdorni lekët duhet të lani duart.
- Tastiera e kompjuterit
Në ditët e sotme, kompjuterët janë bërë si libri dhe stilolapsi. Të paktën një herë në javë duhet të pastroni tastierën për të zvogëluar sasinë e mikrobeve dhe baktereve.
- Karroca e pazarit
Kur shtyni karrocën duke bërë pazar nuk e mendoni se sa të pista janë ato dhe sa shumë njerëz i prekin. Te karrocat ka shumë baktere të cilat rrezikojnë ushqimet që vendosni aty. Fëmijët dhe të rriturit preken nga bakteret në çdo dyqan që përdorin karrocat.
- Telefonat
Telefonat janë në dorë gjithë kohën. Nuk ka rëndësi në qoftë se jemi në kuzhinë, në dhomë apo në tualet, e mbajmë kudo me vete. Por telefonat janë të prekur nga mikrobet dhe bakteret të cilat transmetohen te ne.
- Dërrasa për të prerë mishin
Dërrasa ku pritet mishi mbledh baktere të rrezikshme, si për shembull Ecoli. Është e rrezikshme që të prisni mishin dhe pastaj të prisni perimet pa e larë dërrasën. Dërrasat janë akoma më shumë të rrezikshme sepse kanë pore ku strehohen mikrobet.
- Banaku i kuzhinës është i ekspozuar ndaj mikrobeve sepse duke lënë ushqimet aty mblidhen të gjitha papastërtitë. Banaku duhet dezinfektuar shpesh.
