Policia e Tiranës ka nisur hetimet në gjendje të lirë ndaj një avokati të njohur në kryeqytet.
Burimet zyrtare bëjnë me dije për Syri.net se bëhet fjalë për avokatin Idajet Beqiri, i cili ka mashtruar një kliente duke i marrë një shumë të madhe parash dhe nuk i ka ofruar shërbimin.
Qytetarja Nexhmije M. ka denoncuar avokatin Beqiri se nuk ka respektuar marrëveshjen mes tyre. Avokati kishte marrë 12 milionë Lekë të vjetra dhe nuk i ofroi shërbimin klientes, thonë të njëjtat burime.
Pas marrjes së lekëve, avokati Idajet Beqiri nuk deklaroi as shumën e parave në organet tatimore sipas ligjit. Për këtë arsye, policia e Tiranës ka nisur hetimet ndaj tij në gjendje të lirë për dy akuza, mashtrim dhe mosdeklarim të të ardhurave.
