Edhe në ditët e fundit të vitit 2016 radha e qytetarëve për të kolauduar automjetin e tyre është e madhe.
Ministria e Transportit sqaron shoferët se kush ka bërë pagesën e taksës për automjetin në ditët e fundit të vitit 2016, kontrollin teknik mund ta kryejë edhe në ditët e para të vitit të ri 2017.
“Duke parë krijimin e radhëve në pikat e kontrollit teknik Ministria e Transportit sqaron drejtuesit e automjeteve se në ndryshimin e ligjit te taksave datë 15.12.2016, kontrolli teknik i mjeteve kryhet brenda periudhës 1-vjecare. Drejtuesit nuk do jenë të detyruar të paguajnë me parë dhe taksën e vitit 2017. Shtetasit duhet të zbatojnë detyrimin, sa më parë të kryerjes së kontrollit teknik, nëse i ka kaluar afati”, sqaron ministria.
