Një zjarr i frikshëm ka rënë para rreth një ore në Tiranë në zonën e Kombinatit. Në video duken flakët e zjarrit kanë gllabëruar apartamentin në katin e fundit të një pallati.
Pamjet jane të forta sidomos nëse mendon se aty mund të ketë edhe njerëz të ngecur brenda. Për këtë ende nuk ka një informacion zyrtar, ndonëse sipas dëshmitarëve informohemi se në apartament nuk mendohet të kishte njerëz.
Por ajo që të bie në sy është irritimi i banorëve me zjarrfikësit rreth fundit të videos për mungesën e profesionalizmit dhe për vonesën e mbërritjes në vendngjarje. Në një moment zjarrfikësit duken të hutuar dhe makina largohet pa u shuar zjarri.
Dëshmitarët thonë se ata dolën nga krahu tjetër i ndërtesës për të shuar zjarrin në dhomat e tjera, por është e paqartë se përse nuk erdhën dy zjarrfikëse për të shuar këtë zjarr të madh. /JOQ/
