Këshilli i Bashkisë së Tiranës ka miratuar planin urbanistik vetëm me votat e anëtarëve të mazhorancës. Opozita deklaroi votën kundër pasi sipas tyre është klientelist dhe sjell betonizmin e kryeqytetit.
Plani urbanistik i Tiranës është miratuar pas rreth 7 orësh diskutimet dhe debatesh mes përfaqëusesve të maxhorancës dhe opozitës. Ky plan u cilësua si abuziv nga këshilltarët e djathtë për shkak të kalimit të tij pa dëgjesa publike, pa konsultim me qytetarët e Tiranës, në mungesë të plotë të transparencës dhe në kundërshtim me ligjin.
Këshilltarët e Partisë Demokratike thonë se 3 mijë faqe plan urbanistik do të diskutohen vetëm për 5 ditë për mijëra banorë të Tiranës, çka shton dyshimet për abuzim dhe aferë të pastër korruptive me klientët e ngushtë të Veliajt.
Ndërkaq LSI përmes Endrit Brahimllarit propozoi që dita e sotme ti dedikohet konsultimit te planit urbanistik per te garantuar informimin.
