Kryeministri Edi Rama shkarkon nga detyra kryetarin e Bashkisë së Kavajës Elvis Rroshi, pas vendimit të KQZ-së e cila me kërkesë të Prokurorisë së Përgjithshme vendosi t’i heqë mandatin kryebashkiakut.
Por në bazë të ligjit të pushtetit vendor, kryetari i bashkisë shkarkohet me firmë të kryeministrit Rama.
Pak minuta më parë Edi Rama firmosi shkarkimin e Rroshit, ky i fundit do të vijojë të jetë në detyrë pasi do të ankimojë në Gjykatën Kushtetuese shkarkimin e tij.
Pasi Gjykata Kushtetuese të japë verdiktin e saj, atëherë hyn në lojë Presidenti i Republikës duke dekretuar datën e zgjedhjeve.
Në një prononcim për Report TV, avokati Sollaku tha se vendimin do ta ankimojë në Gjykatën Kushtetuese.
“Pavarësisht vendimit të KQZ, do të ndjekim rrugën ligjore. Kryebashkiaku i Kavajës Elvis Roshi është akoma në detyrë”, është shprehur avokati Sollaku.