Një zjarr i madh ka përfshirë një lokal në katin e parë të një pallati tek zona e Unazës së Re e njohur ndryshe si Astiri.
Mësohet se polica dhe zjarrfikëset ndodhen në vendin e ngjarjes dhe po mundohet për shuarjen e zjarrit.
Ende nuk dihen shkaqet e përfshirjes së lokalit nga flakët, ndërsa po bëhet e mundur evakuimi i banorëve pasi rrezikojnë asfiksimin, pasi tymi ka përfshirë gjithë pallatin.
Deri tani nuk raportohet për persona të lënduar, ndërsa policia po punon për zbardhjen e shkaqeve të zjarrit.
