Shpërthimi tij i fundit i ka habitur të gjithë dhe e kanë quajtur të paprecendentë. Presidenti i zgjedhur amerikan, Donald Trump i ka bërë thirrje Izraelit të qendrojë i fortë derisa ai të marrë zyrtarisht çelësat e Shtëpisë së Bardhë muajin e ardhshëm.
Kjo deklaratë tij është bërë në rrjetin social “Twitter”, ku ka hedhur akuza ndaj qeverisë demokrate duke thënë se Izraeli është trajtuar me përbuzje dhe pa respekt, gjë që sipas Trump duhet të marrë fund.
“Nuk mund të vazhdojmë ta lejojmë Izraelin të trajtohet me kaq mos respekt dhe përbuzje totale. Dikur kishin një mik të madh në SHBA, por….” ka shkruar Trump
Kritikët e tij kanë nxitur presidentin e zgjedhur të përdorë kanale më konvencionale për të komunikuar mbi çështjet ndërkombëtare, e jo përmes rrjeteve sociale.
Zhvillimet e fundit vijnë pas votimit të një rezolute në Këshillin e Sigurimit të OKB-së, që i ndalonte Izraelit të vijonte me ndërtimin e blloqeve të banimit në kolonitë e shtrira në tokat e pushtuara palestineze, që sipas ligjit ndërkombëtar rezultojnë të paligjshme.
“Jo më. Fillimi i fundit ishte marrëveshja e tmerrshme me Iranin, dhe tani kjo rezoluta e OKB-së! Qëndro i fortë Izrael, 20 janari po vjen shpejt,” shkruan më tej Trump.
Netanyahu dhe zyrtarë të tjerë izraelitë e kanë konsideruar abstenimin e SHBA-ve në Këshillin e Sigurimit, në vend që të vendosnin veton ndaj rezolutës, si një tradhti nga presidenti Obama dhe Sekretari Kerry.
