Një djalë 19 –vjeçar pasi mashtroi një vajzë të mitur në Tiranë se do ta çonte me pushime në Kosovë e ka shfrytëzuar atë si prostitutë. Vajza ka rënë pre e trafikimit.
I dyshuari si trafikant është Klevis Mulgeci, banues në Tiranë, i cili u arrestua ditën e djeshme.
Ai dyshohet të ketë trafikuar drejt Kosovës, shtetasen e mitur I.K., 14 vjeçe, me qëllim shfrytëzimi për prostitucion.
Ka qenë e mitura ajo që ka bërë denoncim në polici, pasi ka mundur të kthehej nga Kosova. Mulgeci nëpërmjet mashtrimit i premtoi pushime adoleshentes dhe më tej e detyroi të prostituonte.
Dyshohet se mes dy të rinjve ka pasur një lidhje, prej së cilës Mulgeci ka përfituar.
Për shkak se çështja është ende nën hetim dhe prej moshës së mitur të së dëmtuarës, nuk bëhen me dije detaje të tjera
