Bashkia e Tiranës së shpejti do të kalojë planin e ri rregullues të kryeqytetit, sipas të cilit parashikohen ndërtime të larta, pra në formën e kullave. Sipas kryebashkiakut Erion Veliaj, ndërtimi në formë kullash do të bëhet për të mos zënë shumë hapësirë tokësore, por për të shfrytëzuar lartësinë.
Ky është një nga premtimet që ka shkelur Erion Veliaj. Ju kujtohet për çfarë u zotua para më shumë se 1 viti kur kandidonte për kryebashkiak të Tiranës?
Në qershor 2015, kryebashkiaku premtoi një moratorium 4-vjeçar që do të ndalonte ndërtimet në Tiranë. Ky ka qenë dhe një nga premtimet më të forta të Veliajt dhe që fitoi votat e qytetarëve. Por, kur ka kaluar vetëm 1 vit pasi ka marrë detyrën, po nxiton të miratojë planin urbanistik me ndërtime të kullave.