Policia italiane ka kapur rreth 350 kg kanabis sativa në një furgon në Bari.
Sipas agjencisë italiane të lajmeve, “Ansa” droga ishte futur në shtetin fqinj me anë të një gomone me dy motorë të fuqishëm.
Lënda narkotike, me vlerë rreh 1 milion euro ishte “Made in Albania”. Trafikantët pasi kishin zbarkuar drogën me gomone në brigjet e Puglia, e kishin ngarkuar atë në një furgon.
Policia italiane thotë se drejtuesi i furgonit ka pikasur efektivët dhe ka mundur të largohej. Si provë, përveç drogës policia ka sekuestruar edhe furgonin e gomonen.
350 kg kanabis sativa do të hidhej në treg gjatë festave, kanë thënë hetuesit.
