Ndarja e papritur nga jeta e aktorit të mirënjohur shqiptar, Bujar Lako, i tronditi të gjithë ditën e djeshme. Përveçse njihet për rolet e tij kinematografike e teatrore, ai është edhe babai i një prej rrokerëve më të njohur të skenës shqiptare, Bojken Lako.
Kantautori ka reaguar për herë të parë në rrjetet sociale për largimin nga jeta të babait me një postim ku falënderon të gjithë ata që kanë shprehur mbështetjen dhe solidaritetin e tyre.
“Miq te Bujos, dashamires, te aferm e shoke. Jemi te prekur pa masë e na keni dhënë mbeshtetje e emocion të fortë, me ndjeshmerine qe treguat në këto ditë të vështira. Ju falenderojme shume.
Duam t’ju njoftojmë se ceremonia mortore do të zhvillohet sot në varrezat e Sharrës ne Kombinat, duke u nisur nga shtepia ketu ne “Myslym Shyri” në oren 11:00. Duam tju lajmerojme se diten e Merkurë dhe të enjte ju presim në ambientet e Hotel Mondial në dy orare: paradite 10:00 me 14:00 dhe pasdite 16:00 me 19:00 për ta kujtuar Bujon dhe per tju falenderuar nga afër. Ju falenderojmë shumë”, shkruan Kantautori.