Një taksist denoncoi pak ditë më parë se u dhunua nga disa badigardë të kryeministrit Rama, pasi i kishte folur atij në rrugë. Gjatë vizitës në Korçë, kreu i qeverisë u përball me një qytetar, Niko Dinko, i cili teksa pa që Rama po afrohej afër tij, thirri me të madhe “Poshtë Edi Rama, rroftë Ben Blushi. Ben Blushi intelektuali i Korçës do të ta hajë kokën ty”.
Pas kësaj, sipas vetë Ndikos, disa badigardë janë sulur drejt tij dhe e kanë dhunuar duke e futur me forcë në makinë. Në prononcimin për mediat, që është publikuar edhe në faqen e Ben Blushit, Niko Dinko tregon momentet kur u dhunua. Çfarë ndodhi pak ditë më parë kur erdhi Rama në Korçë? Kalonte Edi Rama para gjykatës dhe unë nga krahu tjetër them “Poshtë Edi Rama, rroftë Ben Blushi. Ben Blushi intelektuali i Korçës do të ta hajë kokën ty”. Kaq. Edi Rama e ktheu kohën dy herë dhe u lëshuan si bisha shoqëruesit e tij. Më kapën për qafe, më grisën. Ishte një Maringlen, shef rendi, por në fakt është kriminel. Maringleni më hipi përsipër me gjithë forcën e tij dhe më mori e më futi në makinë. Më kanë bërë një xhiro dhe më çuan sërish atje ku më morën. Nëse do kisha ndonjë problem do më çonin në polici, nuk do bënin xhiro me mua. i dha urdhër një tjetri, por ai nuk e pranoi dhe tha: nuk bëri mirë ai që të të merrte kështu me kaq fjalë sa the ti.
Kur i the Ramës “Blushi do të të hajë kokën”, të dëgjoi? Çfarë të tha?
Asgjë. Ktheu kokën. Më pas u çuan ata silurat e tij, ata zagarët, servilët e tij. Më i dhunshmi ishte Marigleni. Për të mbajtur vendin e punës më dhunoi mua.
Bëtë denoncim?
Do shohë si do dalë grafia te spitali dhe do ndjek rrugën ligjore.
Ju po e prisnit Ramën apo ishit rastësisht aty?
Rastësisht isha. Shpreha urrejtjen që kam ndaj tij. Për mua ky është Bashar Al Asad në Shqipëri dhe duhet shkulur patjetër. Për mua atë do ta heqë Ben Blushi. Intelektuali me një piktor nuk është i barabartë. Edhe një fëmijë mund të dalë në terren dhe të bëjë një pikturë. Rama kaq nivel ka.
15755766_687218498123462_8648171058588811264_n by e-d21
