Kapiteni i FC Barcelona, Andres Iniesta, nën kontratë deri në 2018, pritet që të rinovojë me klubin katalan, bëri ai të ditur për mediat spanjolle të hënën, disa ditë para hapjes së merkatos.
“Në 2018, kontrata ime përfundon dhe unë shpresoj që të vazhdoj ende, të gjithë e dinë këtë, nuk është sekret”, deklaroi mesfushori emblematik për gazeten sportive Mundo Deportivo.
“Performaca ime do të përmirësohet nësë unë qëndroj te Barça. Shpresoj që të luaj ende për një kohë të gjatë”, theksoi ai.
Klubi ka zgjatur kontratat e sulmuesve Luis Suarez e Neymar deri në qershor 2021, ndërkohë që vazhdojnë kontaktet me Messi.
Iniesta ka debutuar me ekipin e parë të Barcelonës në 2002 dhe ka, ashtu si Lionel Messi, më shumë trofe në historinë e klubit, 29 të tilla. Vetëm ish-shoku i tij i ekipit, Xavi Hernandez, ka veshur fanellën e Barcelonës më shumë se Iniesta.
