Edhe pse sasia e ushqimit që konsumojmë është shumë e rëndësishme për të mbajtur peshën e trupit, janë disa ushqime të shëndetshme që mund t’ju ngopin, ndërsa janë të pasura me vitamina dhe minerale.
Nuk po flasim, në këtë rast, për sallatën e gjelbër jeshile, pa kripë dhe uthull, por disa gjëra të tjera që mund t’i hani pa problem.
1. Kokoshkat
Besoni atë apo jo por kokoshkat janë një nga ushqimet më të shendetshme dhe me më pak kalori që ekzistojnë. Nuk po flasim për kokoshka me shijen e gjalpit ose djathit, por për misrin klasik që ju mund t’a vendosni në tenxheren tuaj të nxehur dhe ta lëni të kërcasë me vetëm një pikë vaj dhe me pak kripë. Kokoshkat kanë kalori minimale dhe përmbajnë fibra, të cilat janë të mira për tretje. Po deshët mund t’i hidhni edhe pak erëza si piperi i kuq ose i zi..
2. Kastraveci turshi
Nuk është pothuajse asnjë person të cilit nuk i pëlqejnë kastravecat turshi, sidomos ata të shtëpisë. Një filxhan me kastraveca turshi përmban vetëm 16 kalori, prandaj është ushqim që mund të hahet me çfarëdo diete dhe me çdo vakt të ditës.
3. Rriska të kungulleshës
Nëse nuk e keni provuar deri tash provoni rriskat e kungulleshës së njomë, sepse është ushqim i shkëlqyer që dikush mund t’a përballojë në sasi të pakufizuar. Kungullin e njomë duhet prerë në rriska të holla dhe të zhytet në lëng limoni dhe lërini të qëndrojnë për një kohë. Pastaj shtoni pak vaj ulliri, kripë dhe piper. Sekreti qëndron tek lëngu i limonit, i cili e shkrin yndyrën, ndërsa ka shumë pak kalori.
4. Çips nga lakra e gjelbër
Ky është ushqim i shëndetshëm dhe zëvëndësim për patatinat kalorike me yndyrë. Fjala është për ushqim me kalori të ulët që do t’ju ngopë dhe do të kënaqeni duke e ngrënë në sasi më të mëdha. Pastroni fletët e trasha të lakrës së gjelbër dhe preni ato në copa të vogla. Hidhni pak kripë dhe pak vaj ulliri e pastaj piqeni në furrë për rreth 10 minuta, ose derisa skajet nuk marrin ngjyrë të verdhë. Ky çips i shëndetshëm është shumë i shijshëm dhe mund t’a hani në çdo kohë të ditës.
5. Bajamet, arrat dhe lajthitë
Frutat arrore janë ushqime të shëndetshme dhe të ushqyeshme që mund t’i përdorni në mes të vakteve. Një grusht i vogël me këto ushqime të shëndetshme do t’ju ngopë, ndërsa në kombinim me fruta të thata, të tilla si rrushi, fiku dhe kumbulla janë luftëtarë të pamposhtur kundër urisë
