Blushi: Të kërkoj ndjesë Niko që ia mësova rrugët e Korçës Edi Ramës

Deputeti i PS, Ben Blushi, duke hyre gjate nje seance parlamentare, ku ne rend te dites eshte shpallja e moratoriumit 10 vjecar qe ndalon prerjen e pyjeve ne Republiken e Shqiperise. /r/n/r/nLawmaker, Ben Blushi, during a parliamentary session.

Në qytetin e Korçës, policia ka dhunuar një qytetar pasi ka shprehur publikisht mbështetjen për deputetin Ben Blushi.

Në lidhje me ngjarjen, deputeti i LIBRA-s ka reaguar menjëherë.

Nëpërmjet një shënimi në profilin e tij në facebook, Blushi shkruan: Niko Dinko, banor i Korçës, është rrahur në rrugë, pasi ka thirrur emrin tim, ndërkohë që Edi Rama po vizitonte sot Korçën.

Ai thekson, i kërkoj ndjesë Nikos që ja kam mësuar rrugët e Korçës Edi Ramës.

“Siç thonë në Korçë, në vend që të baresë, lëshon qentë kundër bariut. Duro edhe gjashtë muaj Niko. Gëzuar Krishtlindjet”, shkruan Blushi.

Shënimi i Blushit:

Ky është Niko Dinko, një banor i Korcës të cilin nuk e njoh. E kanë rrahur sot në mesditë në furgonin e policisë pasi ka thirrur emrin tim ndërkohë që Edi Rama ecte në rrugë. I kërkoj ndjesë Niko Dinkos që ja kam mësuar rrugët e Korcës Edi Ramës. Sic thonë në Korce, në vend që të baresë, lëshon qentë kundër bariut. Duro edhe gjashtë muaj Niko. Gëzuar Krishtlindjet!

Niko-Dinko

Ngjarja

Niko Dinko, 53-vjeç, rreth orës 14:00, ka parë kryeministrin Rama sot në Korçë, që po shkonte drejt Muzeut të Artit Mesjetar, është afruar dhe ka hedhur parulla kundër qeverisjes së tij, duke shprehur mbështetje për Ben Blushin.

LEXO EDHE  Ish-deputetja publikon dokumentin: Si mashtroi Erion Veliaj

“Poshtë Rama! Rroftë Ben Blushi! Ben Blushi, intelektuali i Korces, do të ta hajë kokën ty”. Me këto fjalë i është drejtuar 53-vjeçari kryeministrit Rama, i cili sipas rrëfimit të tij, nuk ka reaguar.

Ndërsa kryeministri ka vijuar i qetë rrugën, përfaqësuesit e gardës dhe policia e Korçës, e kane marre forcërisht 53-vjeçarin dhe pasi e kanë dhunuar, e kane futur forcërisht në një mjet policie.

Dinko akuzon shefin e Rendit të Komisariatit të Korçës, Mariglen Jacellari, se e ka dhunuar dhe goditur pa asnjë shkak të ligjshëm.

53-vjeçari, i cili dikur ka qenë punonjës policie, është mbajtur për gati 15 minuta në makinën e policisë dhe më pas është lënë i lirë.

Pas ngjarjes, 53-vjeçari është drejtuar për në spitalin e Korçës, ku i është nënshtruar disa kontrolleve të ekspertëve mjeko-ligjorë.

Dinko e konsideron dhunën e ushtruar nga policia të pajustifikuar, ndërsa pohon se ka bërë denoncim për shpërdorim detyre për shefin e Rendit, Mariglen Jacellari.

53-vjecari Dinko, thotë se edhe në vitin 1996 ka qëlluar me vezë kryeministrin e asaj kohe Aleksandër Meksi, por as është dhunuar dhe as është shoqëruar nga policia.

PËRGJIGJU

Please enter your comment!
Please enter your name here