E djeshmja ishte një ditë e ngjeshur për ish-deputetin Koço Kokëdhima. Pas përballjes së ashpër me Edi Ramën, Gramoz Ruçin etj. në Asamblenë e PS ku dha dorëheqjen nga të gjitha funksionet në parti, Kokëdhima ka qenë në festën e fundvitit me punonjësit e kompanive të tij, si Abissnet, Unipress, botimet Max.
“Mbrëmja e Fundvitit me punonjësit, miqtë e bashkëpunëtorët në vite ishte shumë e hareshme! Mbrëmë, të rinj e të reja të veshur shumë bukur kërcyen e vallëzuan deri vonë! U uroj atyre dhe gjithë shqiptarëve Gëzuar Krishtlindjen!”-shkroi pasdite Kokëdhima në faqen e vet në Facebook.
Pas kësaj, ish-deputeti u largua për të dhënë një intervistë në studion e ABC News.
