Personi që vrau ambasadorin rus në Turqi u qëllua nga forcat speciale turke pak minuta pas kryerjes së krimit.
Ai kishte një iPhone 4S me vete, dhe tani, sipas MacReports dhe Haberturk, autoritetet turke kanë kërkuar ndihmë nga Rusia për ta hapur iPhone-in e tij.
Pasi iPhone 4S ka një kod 4 shifror, duhet të jetë e lehtë për ta hapur atë. Ka shumë zgjidhje për ta bërë këtë dhe autoritetet madje as nuk po e kërkojnë ndihmën e Apple për ta bërë këtë, transmeton Gazeta Express.
iPhone 4S tani është mjaft i vjetër dhe është një pajisje më pak e sigurt. Së pari, iPhone 4S vepron me iOS 5 deri iOS 9, por shumë pronarë të iPhone 4S nuk e përditësuan pajisjen e tyre me versionet e fundit të iOS.
Nëse pajisja vepron me iOS 7 ose më të vjetër, nxjerrja e përmbajtjeve nga pajisja është e lehtë. Autoritetet lehtë mund të nxjerrin të dhëna nga ky iPhone.
Rusët janë njerëzit që më së miri dinë të hapin një iPhone 4S, dhe kjo është arsyeja pse Apple ka qëndruar e heshtur mbi këtë çështje. Përmes hapjes së këtij iPhone, autoritetet do të tentojnë të nxjerrin informata për arsyen e vrasjes.
