Ish-deputeti Kokëdhima ka dhënë dorëheqjen e parevokueshme nga postet e tij në Asamblenë Kombëtare të PS-së, para se ajo të shqyrtonte shkarkimin e tij të përcaktuar në rendin e ditës.
Me një fjalim të ashpër, me akuza ndaj Ramës, gjatë punimeve këtë radhë me dyer të mbyllura në PS-së, e jashtë transmetimit të mediat, Kokëdhima ka dhënë dorëheqjen dhe ka njoftuar aktivitetin e tij brenda partisë. Jashtë sallës së punimeve të asamblesë, Kokëdhima dha një deklaratë për mediat.
Keni dhënë dorëheqjen si Sekretar?
Është një veprim që e kam bërë me fjalën time në asamble.
Fjala juaj nuk u transmetua live
Do tua japim fjalën që ta keni të gjithë.
Keni pasur fjalim të ashpër brenda, keni akuzuar Ramën se gjithë emërimi juaj si sekretar ishte për të mbuluar atë që u përgatit në Kushtetuese?
Kam bërë diskutim të detajuar, kam folur 30 minuta dhe do tua vë në dijeni se shpjegimet duhet të jenë të plota.
Pati koment nga Rama për akuzat?
Nuk e di.
Cili do të jetë angazhimi juaj?
Do vazhdoj lëvizjen time brenda PS, ju i keni parë aktivitetet e mia.
Zgjedhjet e ardhshme janë afër, po përgatiteni?
Po do punojmë për ato.
Si anëtar i thjeshtë?
Jam anëtar i Asamblesë dhe i Kongresit të PS.
Do jeni deputet?
Kemi kohë për këto.
Ndërsa në mbledhjen e Asamblesë Kokëdhima mësohet të ketë thënë:
“Shkarkimi im ishte nisur shumë kohë më parë. Që kur Gjykata Kushtetues hoqi mandatin tim. Vetëm një ditë më pas mua nuk më njoftuan qëllimisht. Më zëvendësuan funksionet e mia në Vlorë. Shoqja Mimi Kodheli më zëvendësoi. Ky argument se unë nuk merrja pjesë në mbledhje ishte diskreditues dhe i cekët. Ndaj u mblodhën firma kundër meje dje e pardje. Kemi kulture të mbrapshtë në politikë. Nuk mund të vazhdojmë luftëra të paprincipta ndaj njëritjetrit”, mësohet të ketë thënë mes të tjerash Kokëdhima.
“Nëse sot goditet mandati i një deputeti, imagjinoni popullin e shkretë. Kur ndodh kështu me mua, imagjinoni ç’ndodh me tjetër njeri. Imagjinoni se çfarë ndodh me fatet e gjithë Shqipërisë”, ka vijuar më tej ai.
Sipas tij, drejtuesit e partisë me urdhrin e Ramës janë pushuar nga puna.
“Unë nuk ligështohem nga këto veprime.
Qëllimi ynë ishte që çdo qytetar të kishte mjedis demokratik në parti. Dhe të zhdukeshin sekserët e emërimeve në parti. Drejtuesit e partisë sonë me urdhrin e Ramës janë flakur nga puna. Janë pushuar nga puna”, u shpreh Kokëdhima ndërkohë që ka pasur ndërhyje nga salla. “Pse nuk i ke thënë më përpara këto?”, është pyetur Kokëdhima.
Ish-deputeti tha se Rama po i ndëshkon njerëzit për shkak të ideve politike.
“Jemi bërë gazi i botës. Mua nuk më izolon dot. Jemi vetëm 6 muaj para zgjedhjeve. Kthejini në punë këta që i keni pushuar. I keni pushuar me dorën tuaj Rama. Ju ndëshkoni njerëzit tanë për shkak të ideve të tyre politike. Ata janë shumë të rinj e janë shumë të gjatë”, deklaroi ai.
