Një i ri në Berat ka qëlluar me thikë dje kushëririn e tij në debat e sipër, duke e plagosur lehtë në dorë.
Protagonist është 24-vjeçari F.H. banues në Uznovë, i cili në banesën ku jetonte, ka qëlluar me thikë kushëririn e mitur A.H., 15 vjeç.
Si pasojë e goditjes së shkaktuar ndaj djalit të xhaxhait, i mituri është lënduar në dorë, ndërsa sipas policisë, ngjarja dyshohet se ndodhur për motive të dobëta.
24-vjeçari u arrestua nga policia, dhe gjatë shoqërimit ka kundërshtuar dhe penguar veprimet e patrullës së përgjithshme me thikën që mbante në dorë, e cila është sekuestruar në cilësinë e provës materiale, bëjnë me dije burime nga policia.
24-vjeçari F.H. akuzohet për veprat penale: Dhuna në familje; Kundërshtimi i punonjësit të policisë së rendit publik dhe Prodhimi mbajtja, blerja apo shitja pa leje e armëve të ftohta.
