Sot ka nisur nata e parë e Festivalit të Këngës në Radio Televizionin Shqiptar. Pritej të ishte një natë me ngjyra spektali, por gjithçka doli jashtë parashikimeve.
Në fakt taksapaguesit e Televizionit Shqiptar janë mësuar me dështimet e herë pas hershme të këtij eventi. Niveli i ulët u ndje që prej fillimit. “Belbëzimi” i dy prezantuesve të festivalit ishte minusi i parë për këtë spektakël. Për të vijuar me audion e cila vinte si një dështim total , duke bërë të vihej re më shumë paaftësia e prezantuesve.
Pavarësisht zhurmës së madhe për digjitalizimin, RTSH vazhdon të mbetet hapa mbrapa me kohën. I gjithë festivali sillte një nostalgji të “gjallë” dhe të pakuptimtë duke lënë në hije garën e re. Këngët pretendentë për përfaqësimin e Shqipërisë në “Euro Song” i ngjanin një klithme vajtuese, aspak me ritëm, paraprijëse të një dështimi të garantuar në skenën europian.
Ajo çka dha ‘goditjen’ e fundit ishte veshja e prezantues, këngëtares Ledina Celo, e cila u prit me bujë në drejtimin e këtij festivali, pasi u kthye nga nga Gjermania ku ka ndërtuar jetën e saj. Veshja e dytë e prezantueses i linte shumë pak end imagjinatës për të menduar se cfarë kishte poshtë fustanit tyl të zi.
Por ky, si për ironi të fatit, ishte i vetmi moment që theu këngët “vajtuese” që pretendojnë të përfaqësojnë Shqipërinë në kompeticionin e madh të “Eurovizionit”.
