Gjykata e Apelit ka lënë në fuqi vendimin e Gjykatës së Matit, të dhënë në shtator 2014, ndaj Përparim Bojës, Astrit Bojës dhe Fatjon Canit që vranë mizorisht dhe më pas groposën 23 vjecarin Fatjon Barmeta pasi zbuloi lidhjen jashtëmartesore të gruas së pronarit të lokalit.
Më nëntor të vitit 2012 në Klos të Matit, nga hetimi i prokurorisë ka rezultuar se vëllezërit Boja dhe miku i tyre Cani kanë goditur për vdekje me sende të forta Fatjon Barmetës, dhe më pas e kanë groposur, pasi dyshonin se ai kishte sjellje ngacmuese ndaj bashkëshortes se Përparim Bojës.
Apeli la në fuqi vendimin e Gjykatës së Matit, duke i dënuar me 25 vite burg Përparim Bojës, 17 vite për Astrit Bojën, dhe 15 vite burg për Fatjon Canin.
Sipas Prokurorisë së Matit të sipërpërmendurit akuzohen se kanë vrarë të riun Fatjon Barmeta, pasi e kishin masakruar lidhur me tela, dhe më pas e kishin hedhur në një gropë dhe e kishin mbuluar me zhavorr.
